Շնորհավորական ուղերձ Գերմանիայի Դաշնության Կանցլեր Անգելա Մերկելին

Շնորհավորական ուղերձ Գերմանիայի Դաշնության Կանցլեր Անգելա Մերկելին

Մեծարգո Կանցլեր

Արեւմտյան Հայաստանի Հանրապետության (Հայաստան) պետական կառույցները՝ նախագահը, խորհրդարանը եւ վարչապետը սրտանց շնորհավորում են Ձեզ Գերմանիայի Դաշնության Կանցլեր վերընտրվելու կապակցությամբ:

Համոզված ենք, որ Գերմանիայի Դաշնության Կանցլերի այս շատ պատասխանատու պաշտոնում Ձեր ուշադրության կենտրոնում է լինելու նաեւ մերձավորարեւելյան եւ համաշխարհային խնդիրներին համարժեք լուծումներ գտնելու հարցերը:

Մասնավորապես մերձավորարեւելյան խնդիրների խաղաղ ու արդարացի լուծման, այդ թվում՝ Հայկական եւ Քրդական Հարցերի վերջնական կարգավորման հեռահար նպատակներն են եղել Արեւմտյան Հայաստանի Հանրապետության (Հայաստան) կառույցների ձեւավորման պահանջը, նրա շուրջ 7-ամյա նախապատրաստական, իրավական-քաղաքական ծրագրային գործունեության փաստը:

Վերստին շնորհավորելով Գերմանիայի Դաշնության Կանցլերի բարձր պաշտոնում վերընտրվելու առթիվ, մաղթում ենք Ձեզ քաջառողջություն եւ պետականակերտ արդյունավետ գործունեություն պաշտոնավարման ողջ ընթացքում:

Հայտնում ենք Ձեզ մեր պատրաստակամությունը աջակցելու ռազմավարական նշանակության հարցերում՝ հանուն տարածաշրջանային կայուն խաղաղության ու անվտանգության հաստատման ու պահպանման:

Ռադիկ Խամոյան
Արեւմտյան Հայաստանի Հանրապետության (Հայաստան) Նախագահ

Տիգրան Փաշաբեզյան
Արեւմտյան Հայաստանի Հանրապետության (Հայաստան) Վարչապետ

Արմեն Տեր-Սարգսյան
Արեւմտյան Հայաստանի Ազգային Ժողովի (Խորհրդարանի) Նախագահ

15.03.2018 թ.